ŞƏHƏRDƏ VƏ İCTİMAİ NƏQLİYYATDA QIŞQIRAN GƏNC NARAHATLIĞA SƏBƏB OLDU

 

Son günlərdə bir gəncin sosial şəbəkələrdə paylaşılan videoları müzakirələrə və tənqidlərə səbəb olub. 

Son günlərdə bir gəncin sosial şəbəkələrdə paylaşılan videoları müzakirələrə və tənqidlərə səbəb olub. Qeyd edək ki, videoları paylaşılan gəncin şəhərdə və ya ictimai nəqliyyat vasitələrində insanlara yaxınlaşaraq "funny prank" hazırlamaq cəhdi əks olunur.  

Lakin bir şeyi yaddan çıxarmamaq lazımdır ki, xarici ölkələrdə sosial şəbəkələrdə paylaşılan bu və bu tip videolardan fərqli olaraq, Bakıdakı gəncin cəhdləri heç də xoş qarşılanmayıb. 

Gəncin videoları sosial şəbəkə istifadəçiləri tərəfindən sərt tənqid edilir, hətta rəylərdə təhqiramiz ifadələr işlədilməsinə səbəb olur. 

Məsələnin əvvəlinə geri qayıtsaq, gəncin şəhərdə və ictimai nəqliyyat vasitələrindəki cəhdlərinə yenidən göz atmış olarıq. Belə ki, videolardan birində gəncin metro qatarında qəfil ayağa qalxaraq ucadan qışqırdığı əks olunur. Onun bu, hərəkəti qatardaki digər sərnişinlərin narahatlığına səbəb olub. 

İctimai yerlərdə etika qaydalarına riayət etməyib, ətrafdakı insanların narahatlığına səbəb olan gəncin hörmətsizlik göstərməyi ilə bağlı isə heç bir tədbir görülməyib. 

İnsanlar bu gənc və bu gənc kimi cəhdlər göstərən gənclərin öz yaşıdlarına pis nümunə olduğunu deyirlər. Eyni zamanda bildirirlər ki, onun yaxınları, ailə üzvləri, ya da aidiyyəti qurumlar bu gənclə profilaktik söhbət apararaq ona cəhdlərinin səhv olduğunu izah etməlidirlər. 

Haqqında müvafiq qurumlara heç bir şikayət olmadığı üçün həmin gənc ictimai yerlərdə bu kimi davranışlarını davam etdirir. Bəs qanunlar bu haqda nə deyir? Şikayət yoxdursa, bu və bənzər davranışlara yol verən şəxs və ya şəxslər barəsində heç bir tədbir görülməməlidir?