"MƏNİ TƏHTİD EDƏRƏK NƏQLİYYAT VASİTƏMİ DURACAĞA YERLƏŞDİRİBLƏR"-VİDEO

 

"Məni təhtid edərək nəqliyyat vasitəmi zorla duracağa yerləşdiriblər."

Bu sözləri Bakı şəhəri Sabunçu rayonu Zabrat qəsəbəsi sakini Rahim Əliyev "Azərbaycan İdeyası"-na müraciətində qeyd edib. Bildirib ki, 4 sentyabr 2023-cü il tarixində "Niva" markalı avtonəqliyyat vasitəsində hərəkətdə olduğu zaman, Bakı şəhəri Baş Polis İdarəsinin əməkdaşları tərəfindən saxlanılıb.

Rahim Əliyev iddia edir ki, ona inzibati xətalar məcəlləsinin 342.5 və 342.2-ci maddələrinə əsasən qanunsuz protokol tərtib edilib və avtomobili duracağa yerıəşdirilib. Bununla bağlı aidiyyatı qurumlara müraciət etsə də indiyədək heç bir müsbət cavab almayıb.

Şikayətçi - Rahim Əliyev kanalımız vasitəsilə Daxili İşlər Naziri Vilayət Eyvazova müraciət edərək ona qarşı edilmiş haqsızlığın aradan qaldırılmasını xahiş edir.

Eyni zamanda "Azərbaycan İdeyası" olaraq qarşə tərəfin də mövqeyini işıqlandırmağa hazır olduğumuzu bildirmək istərdik.