"YEMƏK DƏ İSTƏMİRİK, SU DA İSTƏMİRİK. BİZ TƏHLÜKƏSİZLİK İSTƏYİRİK!"

 

"Burada vəziyyət çox acınacaqlıdır. Evimiz hava hücumlarında dağıdıldı. Ailəmizin altı üzvü həlak oldu. Biz nə edə bilərik? Buna baxmayaraq hamımız yaşayırıq." Bu sözlər hava hücumlarından evləri darma-dağın olmuş Qəzzalılardan birinə aiddir.

Qəzzalılar bombardmandan qaçaraq xəstəxanalara sığındıqlarını və bir gecədə münaqişənin indiyədək ən ağır hava hücumlarına məruz qaldıqlarını söyləyirlər. Rabitə kəsilməsi təcili yardım xidmətlərinin fəaliyyətini dayandırıb və ailə üzvləri arasında əlaqəni kəsib.

"Yemək də istəmirik, su da istəmirik. Biz təhlükəsizlik istəyirik, təhlükəsizlik. Kişilərimiz, qadınlarımız, uşaqlarımız, hamısı öldürüldü."-Qəzzalı qadının söylədikləri əslində dünyada bu savaş ilə bağlı söylənən bütün fikirləri cəmləşdirir. 

Biz təhlükəzislik istəyirik.

Dünyada heç bir savaş dinc əhalinin yerindən didərgin olmasına, öldürülməsinə haqlı bir səbəb verə bilməz. Heç bir savaşın buna haqqı yoxdur! 

Gündən-günə ölənlərin, yaralananların sayının artdığı bölgədə Qəzzada çalışan Norveçli təcili yardım həkimi gecə-gündüz Əl-Şifa xəstəxanasının hər yerində işlədiyini qeyd edib.

"Mən Şifanın hər yerində işləyirəm. zirzəmidə, müxtəlif klinikalarda, müxtəlif binalarda.

Gecə-gündüz, hər yerdə, sülh və müharibə vaxtı orada idim. Mən heç vaxt komanda mərkəzi kimi görünə bilən və ya fəaliyyət göstərə bilən heç bir şey görməmişəm."

 

İsrail deyir ki, HƏMAS-la müharibəsinin növbəti mərhələsi Qəzzada quru əməliyyatlarını genişləndirdikdən sonra başlayır. İsrailin baş naziri Benyamin Netanyahu şənbə günü "Qəzzadakı müharibənin uzun müddət davam edəcəyi" barədə xəbərdarlıq edib və bildirib ki, bu mərhələnin məqsədi HƏMAS-ı məhv etmək və yaraqlı qrup tərəfindən saxlanılan girovları geri qaytarmaqdır.

İsrailin Baş naziri Benyamin Netanyahu şənbə günü bildirib ki, onun qüvvələri "uzun" müharibədə HƏMAS-ı "məhv etmək" məqsədi daşıdığından müharibənin ikinci mərhələsi başlayıb.

İsrail Müdafiə Qüvvələrinin məlumatına görə, İsrail quru qüvvələri gecə ərzində bölgəyə daxil olduqdan sonra Qəzzadadır. Oktyabrın 7-də HƏMAS-ın İsrailə qarşı hücumlara başlamasından sonra genişmiqyaslı quru hücumu gözlənilirdi, lakin ərazinin əhəmiyyətli bir hissəsinin ələ keçirilməsi və nəzarətdə saxlanılmasına yönəlmiş böyük əməliyyatın hələ davam etdiyi görünmür.

İsrail bölgədə əməliyyatlarını gücləndirdikcə Qəzzada 200-dən çox girovun ailələri itkin düşmüş qohumları üçün daha çox qorxurlar.