QƏZZADA XƏSTƏXANA BOMBALANDI-ƏN AZ 500 NƏFƏRİN ÖLDÜYÜ BİLDİRİLDİ-VİDEO

 

Fələstin rəsmiləri, İsrailin bölgədəki nüfuzu qida, yanacaq və elektrik enerjisindən məhrum etməsi ilə əlaqədar humanitar narahatlıqların artdığı vaxtda, Çərşənbə axşamı Qəzzada yerləşən xəstəxanada baş verən güclü partlayış nəticəsində yüzlərlə insanın həlak olduğunu bildirib. 

Fələstin Səhiyyə Nazirliyi açıqlamalarında deyilir ki, Əl-Əhli Baptist Xəstəxanası Çərşənbə axşamı bombalanan zaman minlərlə köçkünə sığınacaq olub. Çox sayda qurban hələ də dağıntılar altındadır, deyə əlavə edib. 

Fələstin rəsmiləri ölümcül insidentdə İsrailin davam edən hava hücumlarını günahlandırıb. Lakin İsrail Müdafiə Qüvvələri xəstəxanaya edilən hücumda hər hansı əli olduğunu “kateqorik" olaraq təkzib edərək, əvəzində Qəzzada rəqib islamçı yaraqlı qrup olan Fələstin İslami Cihad qrupunun “uğursuz raket buraxılışını” günahlandırıb. 

"Biz oranı vurmamışıq və bizim ixtiyarımızda olan bir neçə mənbədən əldə edilən kəşfiyyat məlumatları göstərir ki, “İslami Cihad” Qəzza zolağındakı xəstəxananı vuran uğursuz raket atışına görə məsuliyyət daşıyır və kateqorik olaraq əlavə etmək istəyirik ki,  hər hansı bir həssas tikilini, hər hansı bir xəstəxananı qəsdən vurmamışıq.” deyə İkinci Dərəcəli Kapitan Conatan Konrisus CNN'ə açıqlamasında deyib. 

Qəzza, 2,2 milyon insanın yaşadığı sahil bölgəsinə nəzarət edən İslamçı yaraqlı Hamas qrupunun ölümcül hücumuna cavab olaraq bir həftədən artıqdır ki,  İsrailin mühasirəsi altındadır. Bu arada xəstəxanalar elektrik enerjisi və su çatışmamazlığı ilə işləyərək ərazi boyu yaralılara qulluq etmək üçün çalışır.

https://youtube.com/shorts/V4SUdMC0CDo?si=Ksa_kSjTKISkOkHf