İran Prezidenti helikopter qəzasında həlak olub - VİDEO+FOTO

 

İran Prezidenti İbrahim Rəisi və helikopter qəzasında digər həlak olanların dəfn mərasimi sabah olacaq. Rəisi Təbrizdə dəfn olunacaq bu barədə Tasnim məlumat verib.

 

Belə ki, mayın 19-da İbrahim Rəisi Azərbaycanla sərhəddə Prezident İlham Əliyevlə görüşdükdən sonra Təbrizə gedirmiş.

Helikopterdə Prezident İbrahim Rəisidən başqa, xarici işlər naziri Hüseyn Əmir Abdullahiyan, Təbrizin imamı Seyid Məhəmməd Əl Haşim, Şərqi Azərbaycan valisi Malik Rəhməti, Sərdar Seyid Mehdi Musəvi, Prezidentin Mühafizə Birliyinin komandiri və bir sıra mühafizəçilər və ekipaj üzvləri olub.

 

Helikopterin "sərt eniş" etməsinə dair xəbərlər ilk dəfə bazar günü, axşam saat 4-dən sonra verilib. Qəza yeri 18 saatdan sonra müəyyən edilib.

 

Hadisə ilə əlaqədar ölkədə 5 günlük matəm elan olunub.

Helikopterdə olanlardan biri, Təbrizin İmamı Məhəmməd Əli Əl-Haşim qəzadan təxminən bir saat sonra hələ sağ olub - "bədənində digərlərinə nisbətən daha az yanıq olub" və yardım çağırmağa çalışıb.

 

"Sərnişinləri tanımaq üçün DNT testinə ehtiyac olmayıb", Nami əlavə edib.