BƏZİ BİNA VƏ EVLƏR SÖKÜLƏRƏK ƏVƏZİNDƏ KOMPENSASİYA TƏKLİF EDİLİR - VİDEO

 

Paytaxtın Nərimanov rayonunda bəzi bina və obyektlərin söküntü işləri aparılır. Ancaq bu heç də bütün sakinləri qane etmir.

Azərbaycan İdeyası baku.ws-ə istinadən bildirir ki, Nərimanov rayonunun Ceyhun Hacıbəyli və Nəsib bəy Yusifbəyli küçələrinin kəsişməsindən başlayan prosesdə əsasən fəaliyyəti dayandırılan obyektlər sökülür. Söküntü prosesinə 51 ailənin yaşadığı 5 mərətəbəli bina da daxil edilib. Sökülən binada yaşayan mənzil sahiblərinə mənzillərin əvəzində kompensasiya təklif edilib.

Təklif edilən məbləğlə bəzi vətəndaşlar razılaşsa da, əksəriyyət bununla razılaşmayıb.

Sakinlərdən biri ARB TV-yə bildirib ki, bir otağa 120 min kompensasiya verilir: "Kvadratına 4 min manat düşür. 3 otağa 280 min verlməli olduğu təqdirdə 175 min təklif olunub. Bu pulla yeni tikilidə bir otaqlı mənzil almaq mümkün deyil"-,deyə bildirib