Azərbaycanda 5.6 maqnitudalı zəlzələ baş verib: Paytaxt Bakıda da hiss olunub

 

Azərbaycanda 5.6 maqnitudalı zəlzələ baş verib. Zəlzələ paytaxt Bakıda da hiss olunub.

"Azərbaycan İdeyası" xəbər verir ki, zəlzələ paytaxtla yanaşı bir neçə rayonda da hiss olunub.

Təxminən saat 08:16 radələrində baş verən zəlzələ ilə bağlı Respublika Seysmoloji Xidmət Mərkəzindən “Azərbaycan İdeyası”-na bildirilib ki, ilkin məlumata əsasən, Azərbaycan ərazisində zəlzələ baş verib.

Yerli vaxtla 08:16-da baş verən zəlzələ 5.6 bal gücündə qeydə alınıb. Zəlzələnin ocağı Xəzər dənizində yerləşib.

Yeraltı təkanlar 5,6 maqnitudada baş verib, zəlzələ ocağı 68 km dərinlikdə yerləşib.

Zəlzələ Bakıda və Xəzər dənizinə yaxın olan rayonlarda və Abşeron yarımadasında bəzi yerlərdə 5 bal, bəzi yerlərdə isə 3 bala qədər hiss olunub.

Zəlzələnin episentri Siyəzən stansiyasından 60 km şərqdə Xəzər dənizində olub.

- - - - - 

Rəsmi açıqlanan son məlumata görə, zəlzələ Altıağac stansiyasından 51 km şimal-şərqdə, Xəzər dənizində qeydə alınıb.

Yeraltı təkanlar Altıağac, Siyəzən, Quba, Qusar, Xaçmaz, Şabran, Qobustan, Abşeron yarımadasında 5-3 bala qədər hiss olunub.