DİN-dən vətəndaşlara xəbərdarlıq "Vətəndaşlardan xahiş edirik ki..." - VİDEO

 

 

Ölkə üzrə yaşayış evlərindən oğurluq halları ilə bağlı aparılan əməliyyat-axtarış tədbirləri nəticəsində hadisələrin üstünün açılması 70-80 faiz təşkil edir. Oğurluq habelə qətl və bu kateqoriyadan olan cinayətlərin açılmasının mürəkkəb proses olması nəzərə alınaraq, yaşayış məntəqələrində kameralaşma işinə xüsusi diqqət yetirilir.

Bu barədə Daxili İşlər Nazirliyi məlumat yayıb. Bildirilir ki, Daxili İşlər Nazirliyi tərəfindən dövlət maliyyəsi ilə quraşdırılan təhlükəsizlik kameraları ilə yanaşı, vətəndaşların da özlərinə məxsus obyektlərin, mənzillərin, blokların girişlərində kameralaşmaya üstünlük verməsi tövsiyə olunur.