Naxçıvanda göldə boğularaq ölən tələbələr Astarada dəfn olunublar - VİDEO

 

Dünən Naxçıvanda göldə boğularaq ölən tələbələr Astarada dəfn olunublar. Göldə boğularaq ölən 19 yaşlı Fəttah Zəkəriyəyev və 18 yaşlı Əli Mehrəliyevin nəşləri dəfn olunmaq üçün doğulduqları Astara rayonunun Pensər kəndinə gətirilib. Ailələri ilə vida mərasimindən sonra onlar Pensər kənd qəbiristanlığına aparılıb və babalarının yanında torpağa verilib.

Xatırladaq ki, Astara rayonu Pensər kənd sakinləri olan 19 yaşlı Fəttah Zəkəriyəyev və 18 yaşlı Əli Mehrəliyev gecə saatlarında Naxçıvan şəhərində yerləşən “Bazar gölü”-nə düşüb və boğulublar. Naxçıvan Muxtar Respublikası Fövqəladə Hallar Nazirliyinin əməkdaşları meyitləri sudan çıxarıblar. Hər iki gənc Naxçıvan Dövlət Universitetinin tələbələri olub. Əli Mehrəliyev iki bacının bir qardaşı, Fəttah Zəkəriyəyev isə iki qardaş olublar.

Fakt üzrə Naxçıvan şəhər prokurorluğunda araşdırma aparılır.