Astarada mağazaya gələn müştəri satıcının meyitini tapıb - VİDEO

 

Astarada mağazaya gələn müştəri satıcının meyitini tapıb

Rinə kənd sakini 15 yaşlı Zöhrab Fətəliyevin meyiti işlədiyi mağazada aşkarlanıb. O, qonşu kənddə kiçik bir mağazada benzin satırmış. Yeniyetmənin meyitini də aşkar edən məhz ondan benzin almağa gələn şəxs olub. 

Həmin şəxs mağazadan telefon səsi gəldiyini eşidib. Mağazaya daxil olub və yeniyetməni asılmış cansız bədəni ilə qarşılaşıb. 

Zöhrab Fətəliyevin yaxınları deyir ki, o, çox mehriban uşaq olub. Ailənin də heç kimlə düşmənçiliyi olmayıb. Telefon danışıqlarından sonra yeniyetmənin nə üçün bu addımı atdığı məlum olacaq. 

Meyit daxili və xarici müayinə olunması üçün məhkəmə tibbi ekspertiza və patoloji anatomiya birliyinin Lənkəran rayon şöbəsinə təhvil verilib.

Qeyd edək ki, Zöhrab Fətəliyev üç uşaqlı ailənin son beşiyi olub.  

Faktla bağlı rayon prokurorluğunda araşdırma davam aparılır.