XƏZƏR RAYON ŞAĞAN QƏSƏBƏSİNDƏ CİNAYƏT HADİSƏSİ BAŞ VERİB-VİDEO

 

Bakıda qəsdən adam öldürmə faktı ilə bağlı cinayət işi başlanılıb.

Xəzər rayon prokurorluğundan Lent.az-a noyabrın 1-i saat 17 radələrində Xəzər rayonu, Şağan qəsəbəsi ərazisində 53 yaşlı Cavanşir Abdullayevin odlu silahdan açılan atəş nəticəsində ölməsinə dair rayon prokurorluğuna məlumat daxil olduğu bildirilib.

İlkin araşdırmalar zamanı 38 yaşlı Pərviz Xudaverdiyevin aralarında yaranmış mübahisə zamanı odlu silahdan atəş açaraq Cavanşir Abdullayevi qəsdən öldürməsinə əsaslı şübhələr müəyyən edilib.

Faktla bağlı Xəzər rayon Prokurorluğunda Cinayət Məcəlləsinin 120.1 (qəsdən adam öldürmə) və 228.1-ci (qanunsuz olaraq odlu silah əldə etmə və gəzdirmə) maddələri ilə cinayət işi başlanıb.

Pərviz Xudaverdiyev hadisədən sonra könüllü olaraq istintaqa təslim olub və prokurorluğun qərarı əsasında şübhəli şəxs qismində tutulub.

İbtidai istintaq davam etdirilir.