Müdafiə Nazirliyində 143 milyonluq mənimsəmə faktı ilə bağlı həbs edilənlərdən biri - Mənzil İstismar İdarəsinin sabiq rəisi polkovnik Fikrət Mirzəyevin məhkəməsi davam edir.
Azərbaycan İdeyası “Qafqazinfo”-ya istinadən məlumat verir ki, Bakı Hərbi Məhkəməsində keçirilən iclasda şahid qismində Əlövsət Orucov ifadə verib.
Ə.Orucov tikinti və təmir işlərini həyata keçirən iki şirkətin rəhbəri olub. Şahidin dediyinə görə, nazirliyin Mənzil İstismar İdarəsi ilə müxtəlif vaxtlarda müqavilələr bağlayıb.
Nazirliyin əsas şərti isə köçürülən vəsaitin bir hissəsinin “otkat” şəklində geri qaytarılması olub:
“Mən Fikrət Mirzəyevlə danışıq aparmamışam. Bütün danışıqlar Mənzil İstismar idarəsinin əsaslı təmir şöbəsinin rəisi Rəhim Laçınovla olub. Müqavilənin şərtinə uyğun olaraq köçürülən vəsaitin 18 faizi nağdlaşdırılaraq nazirliyə qaytarılırdı”.
Şahid keçirdiyi koronavirus xəstəliyinə görə yaddaşının itdiyini, buna görə işlə bağlı detalları xatırlaya bilmədiyini bildirib:
“Bu işlə bağlı ikin istintaqın ortalarında koronavirusa yoluxdum. Xəstəliyi ağır keçirdim. Yaddaşım itib. Hələ də nə iy hiss edirəm, nə yadımda nə isə qalır”.
Məhkəmə prokurorun vəsatəti ilə şahidin əvvəlki ifadəsini elan edib.
Ukraynada qətl törədən Azərbaycan çempionu ilə bağlı QƏRAR
BUGÜN CƏNAB PREZİDENT İLHAM ƏLİYEVİN PREZİDENT SEÇİLMƏSİNDƏN 20 İL ÖTÜR!
Yalandan söz verib 38 min manatını aldı
Gəncə şəhərinin ilk raket hücumuna məruz qalmasından üç il ötür - VİDEO
TÜRKMƏNÇAY MÜQAVİLƏSİ YOXSA, TÜRKMƏNÇAY FƏLAKƏTİ? - VİDEO
QARDAŞ ÖLKƏ TÜRKİYƏ CÜMHURİYYƏTİNİN 100-Cİ İLLİYİDİR
Qəzalı vəziyyətdə olan Sərsəng su anbarı nə vaxt istifadəyə veriləcək?
"AZƏRBAYCAN İLƏ ERMƏNİSTAN ARASINDA SÜLH MÜQAVİLƏSİ İMZALANMASI ÜÇÜN HƏR HANSI ƏNGƏL YOXDUR." - VİDEO
SERİYA KADIKÖYDƏ BİTDİ: FƏNƏRBAXÇA TRABZONSPORA MƏĞLUB OLDU
Əli Əsədov İndoneziyanın inzibati və bürokratik islahatlar naziri ilə görüşüb
