11-ci sinif şagirdi 9-cu sinif şagirdini bıçaqladı, Şəmkir - VİDEO

 

Şəmkirdə bıçaqlanma hadisəsi baş verib.

Hadisə rayonun Abbaslı kəndində qeydə alınıb. Kənd sakini, 9-cu sinif şagirdi olan 14 yaşlı Mirəli Qasımov məktəbdən çıxdıqdan sonra özündən 2 sinif yuxarıda oxuyan başqa bir şagird tərəfindən bıçaqlanıb. Hadisəni törədən şagirdin valideynləri hadisəsən gec xəbər tutduqlarını bildiriblər.

Yaralanan məktəbli əvvəlcə Şəmkir rayon mərkəzi xəstəxanasına, daha sonra isə Gəncə şəhər Birləşmiş Uşaq Xəstəxanasına yerləşdirilib, ona tibbi yardım göstərilib.

Hadisəni törətməkdə şübhəli bilinən 11-ci sinif şagirdi Ümid Mehdiyev Şəmkir Rayon Polis Şöbəsinin əməkdaşları tərəfindən saxlanılıb.
Xəsarət alan şagirdin valideynləri hadisə ilə bağlı danışmaq istəməyiblər.

Faktla bağlı araşdırma aparılır.