Lənkəranda yol-nəqliyyat hadisəsi 12 yaşlı yeniyetmənin ölümü ilə nəticələndi - VİDEO

 

Lənkəranda ölümlə nəticələnən ağır yol-nəqliyyat hadisəsi baş verib. 

Hadisə rayonunun Haftoni kəndi ərazisində qeydə alınıb. Lənkəran rayonunun Ləj kənd sakini Əhliman Əliyev idarə etdiyi "VAZ-2107" markalı minik maşını ilə hərəkətdə olarkən, idarəetməni itirib. Nəqliyyat vasitəsi yoldan çıxıb və elektrik dirəyinə çırpılıb. Zərbənin təsirindən sürücü və avtomobildə sərnişin qismində olan sürücünün oğlu Ləj kənd sakini, 12 yaşlı Murad Əliyev ağır xəsarət alıblar.

Yaralılar Lənkəran rayon mərkəzi xəstəxanasına çatdırılıblar. 12 yaşlı Murad Əliyevin həyatını xilas etmək mümkün olmayıb.

Qeyd edək ki, xəsarət alan sürücü Əhliman Əliyev Lənkəran Təxirəsalınmaz və Təcili Tibbi Yardım şöbəsinin həkimidir. Faktla bağlı araşdırma aparılır.