Lerik-Lənkəran meşələrində özbaşnalıq -VİDEO

 

Azərbaycan İdeyasına şikayət edən Lerik rayon sakinləri illərdir Lerik-Lənkəran meşələrinin talan olunmasından şikayətçi olduqlarını bildirirlər.

İddiaçılaların sözlərin görə Lerik rayonu Brkandul kənd sakini Hüseynov İltifat Sərhəng oğlu artıq 10 ildən çoxdur ki, Lerik-Lənkəran meşələrini sözün əsl mənasında məhv edir və topladığı taxta materiallarını satır. Sözü gedən şəxsin bəzi yüksək rütbəli məmurlarla əlbir olduğunu və ona mane olmağa çalışan kənd camaatını həbs etdirməklə təhtid etdiyini iddia edirlər.

Ekologiya və Təbii Sərvətlər Nazirliyi, polis əməkdaşları, prokurorluq və məhkəmə əməkdaşlarına təhqirlər ünvanlayaraq, özündən əmin bir şəkildə

"Heç kim mənə heç nə edə bilməz! Mən heç kimdən qorxmuram, qorxsaydım 20 ildir meşədən ağac oğurlamazdım, hər gün tırla material satmazdım. Yaz səsimi apar ver söydüyüm adamlara. Gör onlardan kiminsə hünəri çatır mənə nəsə desin?!"

Hüseynov İltifatın heçkimdən qorxmadığını deyən iddiaçılar, audiomaterialın da Hüseynov İltifata aid olduğunu deyirlər.

Ekosistemin çətin dövrlərdə olduğu, son illərdə meşə yanğınlarının artdığı və oksigen ehtiyacımızdan daha çoxunu qarşılayan ağacların, ölkəmizin ağciyəri rolunu görən Lerik-Lənkəran meşələrinin bu cür qətl edilməsinin qarşısını aidiyyatı qurumların və Ekologiya və Təbii Sərvətlər Nazirliyinin alacağını ümid edirik.