Salyanda keçmiş baş həkim və arvadı amansızlıqla qətlə yetiriblər - VİDEO

 

Salyanda keçmiş baş həkim və arvadı amansızlıqla qətlə yetiriblər.

Martın 1-i səhər saat 10:30 radələrində Salyan rayonunun Kərimbəyli kəndində 1956-cı il təvəllüdlü İsrafil Məmmədov və həyat yoldaşı, 1963-cü il təvəllüdlü Münəvvər Məmmədovanın yaşadıqları evdə üzərlərində zorakılıq əlamətləri olan meyitlərinin olması barədə polisə məlumat daxil olub.

Hadisə yerinə gələn hüquq-mühafizə orqanlarının əməkdaşları evin bağ hissəsində çoxsaylı bıçaq və küt alət zərbələri ilə qətlə yetirilən ər və arvadın meyitini aşkar ediblər. Məlumata görə ilkin olaraq onların meyitlərini həyətdə işləyən fəhlə aşkar edib və polisə məlumat verib.

Qeyd edilir ki, mərhum İsrafil Məmmədov uzun müddət Salyan rayon poliklinikasının baş həkimi vəzifəsində çalışıb. Ailənin 4 qız və bir oğul övladı var. Övladların hamısı ailəlidirlər.

Heç kimdən şübhələnmirik, heç kimlə işləri olmayıb. Tikansız “balıqdılar”. Səhər xəbər çıxdı biz də gəldik. Gəldik gördük bağın içərisində öldürüblər üzlərin də örtüblər.

Gəzən söz-söhbətlərə görə, qətli törədən şəxs (şəxslər) evə oğurluq məqsədi ilə daxil olub(lar), evdən qiymətli qızıl-zinət əşyalarının və pul olan seyfin oğurlandığı ehtimal olunur. Meyitlər Salyan morqunda müayinə olunub. Qatil və ya qatillərin axtarışları istiqamətində istintaq əməliyyat hərəkətləri aparılır.